الاسم: أبو جهـــاد 
زمان وانا صغير ...قبل ما اعرف حاجه اسمها ورقه وقلم ..كنت اخلي والدي ... يشتريلي دفتر ... واجيب القلم واعد اشخبط واشخبط واشخبط والشخابيط كانت تبقى في سطور ومترتبه
كان والدي يستغرب ...ويقوللي ليه يابني ؟؟ انت فاهم انت بتعمل ايه
الصراحه...لا...بس انا كده كنت برتاح ؟؟
اكتشفت بعد كده انه الكتابه بالظبط زي الحديده اللي نازله من عاربيه كبيره ..تفرغ الشحنه في الارض
زيها زي القلم ..يفرغ الاحاسيس اللي متقله الجسم ..والعقل
تفرغها في حاجه اسمها الورقه
أنا اكتشفت اني بكتب عشان اعرف مين انا
اكتشفت اني بكتب عشان ..يمكن لحظه من لحظات توهاني في الورقه
صوابعي تخط سر من الاسرار اللي موجوده في قلبي وعقلي...انا نفسي معرفوش
ممكن في لحظه اكتشف مين انا
صدقوني انا وناس كتيييييييييييييير منعرفش احنا مين؟
الدنيا فرضت علينا قواعد كتيــــــــــــر
جعلتنا نتيخل نفسنا أشخاص مش احنا الاشخاص
مفيش في مره جه مهندس سال نفسه هوه مين؟
انا هسال مهندس ؟؟ انت مين هيقوللي
مهندس شغال في شركه ابن فلان الفلاني
شفتوا أنا معرفتش هوه مين؟
مش يمكن شاعر ؟؟ شغلته الدنيا عن أن تسيل دماء قلمه على ورقه
نتمتع بما يكتب
وانا فعلا اقصد دماء القلم
انت مش عارفين انه لما بنكتب بنحك القلم وبنيقص وبيخرب مع الزمن
انا شايف انه الحبر اللي بينزل ده دم
وشايف ااني المفرروض انه الدم ده يبقى قصاده مقابل
قصاده كلمات يكون ثمنها اغلى من الذهب
(( جرب اكتب باللون الاحمر .. جرب تسمع الام القلم وهوه يصرخ
جرب تسمع .. وتحاول تقدم للقلم شيء يفخر انه ضحى بدمه لاجله
مجنون انا صح؟؟ ))
ماعليـــــــــــــــنا!!ـ
نرجع لموضوع المهندس
مش يمكن يكون رسام
يرسم قصة طفوله مشاغبه
وقصة شاب مكافح
ولا يمكن يكون ولا يكون ولايكون ؟
في حجات كتييييييييييييير ممكن تكون انت وممكن انا وممكن اي حد
أنا نفسي معرفش مين انا
.
.
من اسبوع قاللي اخويا احمد أشرف انه ليه مابكتبش اسمك الحقيقي على المدونه
.
.
مش عارف بس انا لقيت انه انا اسمي فعلا ابو جهـــــــــاد
عارفين ليه
مش خوف
فانا اسمي هشام ماهر
بس ابو جهاد ده انا اللي اخترته
وبحبه اوي
جواااااااه امنيات كبييييييييييره
جواه بنت عسوله اسمها جهاد
لثه متولدتش
بس انا عايشها في خيالي
.
.
دخلت جوجل عشان ادور على صوره احطها على البطاقه اللي هكتب عليها اسمي وصورتي
.
بناءا على التنويه من الاخ احمد
.
لقيت صوره ابهرتني
لقيت نفسي
لقيت أبوجهــــــــــاد
ولقيت كتيييييييييير من الشباب المصري
عارفين لقيت ايه
دي
ياااااااااه
انا بالظبط القطه دي
القطه مخلوووووق ضعيف طيب عسول يواجه العنف والمضايقه من كل الجهات
انا القطه اللي عايزه تقول لا
انا القطه اللي عايزه بسلاح ممكن يكون من غير رصاص
ان يخيف به الكلاب والذئاب
ويكفيني فخرا ان تهورت واشهرت سلاحي
نعم انا ضعيف بصمتي نعم انا ضعيف بقوة الجبابره
ولكن بعد الصمت العاصفه
بعد الضعف قوه قوه جيه من ضعف
هذه القطه انا وهذا السلاح هوه ايماني
وفعلا لقيت كتييييييييييير من الشباب كل حيلتهم كم كلمه وكم مدونه وكم ...وكم......ـ
بس باذن الله ومن ثم ايماننا بربنا شوية الكم دول هيتحولوا لدبابه تطلق قذائف في صدر العدو
ايدي في ايد احمد في ايد اسلام في ايد شباب كتييييييير
ومعانا اولا ربنا هنقدر نتحول الى اسود
وعلى فكره الصوره دي مش هتطووووول
ولا دي
معلش ممكن تحسوا بكلامي إني مجنون
بس معلش ده مسلسل في حلقاااااات كتير لمعرفة من انا ؟؟
كتبها أبو جهـــاد في 10:10 مساءً ::
لا يوجد تعليق
